Bhai tab to LHB bhi nahi aana chahiye thha 2003 mein. Us samay bhi humara fiscal deficit jyada thha aur railway ki haalat khasta thhi. Maintainance ki jarurat us time bhi thhi par humne LHB mein invest kiya taki aage chalkar railways mein kuch sudhaar aaye. Aur aj wohi ho raha hai. Sabhi chahte hain ki unke area ki train ko LHB mile kyonki LHB ka safar jyada comfortable hai aur comparatively surakshit bhi hai. Socho agar us time LHB mein invest nahi karte to aj kya hota? LHB ka safar shuru hua 1995 mein lekin pehli train mein chali 2003 mein. Matlab 8 saal to sirf LHB-LHB japne mein hi lag gaye.
Agar hum aise hi dekhte reh gaye...
more... ki jab tak hum ek jarurat ko puri nahi kar lenge tab tak doosra start nahi karenge tab to ho gaya is desh ka kalyan. Humare desh ki literacy rate aaj 73 ke aas- paas hai to kya hum scientific research aur space technology mein ye keh kar investment kerna chhod de ki nahi jub tak sabhi literate nahi ho jaate tab tak koi research, koi mangalyaan, koi chandrayaan, koi pokharan nahi hoga kyonki literacy atyant aavashyak hai. Dono cheez jaruri hai aur dono ke liye alag -alag budget aur organization hai. Usi prakar is desh ke liye agar IR jaruri hai to bullet trains bhi. Aaj roads par bhi bahut gaddhe hain jisse kaafi accidents hote hain, to kya hum ye keh kar expressway or 4-6 lane highway banana band kar de ki nahi jab tak saare gaddhe bhare nahi jaate koi expressway nahi banega. Isi tarah chalta raha to India jo rajiv gandhi ke baad aage badhna chalu hua wo 50 saal baad waapis nehru ji ke time mein pahuch jayega.